Benvidos ao blogue de Educación Infantil do Colexio Plurilingüe Santa Juana de Lestonnac ( Ferrol ) Neste blogue queremos mostrarvos moitas das actividades que realizan os máis peques do cole no noso día a día , para que poidades desfrutar como o facemos nós.

lunes, 30 de marzo de 2020

Comezamos a semana con algo de exercicio e manualidades

Bo día familias! 
Imos comezar esta semana con algo de enerxía sen perder o contacto coa lingua inglesa. Os nenos coñecen ben esta canción que nos esixía bailar cada vez máis rápido, e as familias? Facilitámosvos a continuación a ligazón, e vos animamos a que vos deixedes levar por eles, que farán moi ben de profes:

Head, shoulders, knees and toes

Estamos seguros de que os rapaces non frearon o seu movemento pese á situación actual, pero imos deixarvos aquí un pequeno vídeo cun par de ideas para mantelos entretidos e guialos nos diferentes exercicios, e se algún familiar se anima podedes pasar un bo rato xogando con eles. 
Na primeira parte do vídeo hai un pequeno percorrido que facer sorteando os obstáculos que teñamos a man na casa. E por suposto, cando chegue o momento de recoller, animámosvos a facelo dun xeito entretido como o rapaz do segundo exemplo, así axudamos a seguir traballando a súa motricidade.





E para finalizar e seguir traballando a súa motricidade fina, deixámosvos unha pequena manualidade feita na casa con materiais que todos estamos a consumir e coa que podedes pasar un bo rato con eles, elaborándoa primeiro e xogando unha vez rematada. 



E se vos animades a facernos chegar algunha foto, estaremos encantados de ver os vosos resultados!
Un saúdo e moito ánimo! 

domingo, 29 de marzo de 2020


Todos os nosos peques merecen un 10 !!!! polo seu comportamento nas súas casas , e polo gran traballo que están a realizar , están esforzándose un montón nas súas tarefas ...e é que os máis peques están a demostrar que quedar na casa non ten por que ser algo aburrido nin moito menos !!!!!

Aquí tedes unha mostra do moito que están a traballar seguindo as recomendacións dos seus titores, un aplauso 👏👏👏👏👏 para  todos eles porque o merecen...!!!

 Ainhoa nos ensina o seu gran traballo repasando os números e as letras , toda unha experta ....💛💚

 


Hugo Mauriz tamén estivo a traballar moito...como proba ...estas fotos...! que ganas de vervos de novo rapaces !!!!💧💗👏

 


Hugo Sabín , esvíanos as súas manualidades desta fin de semana ,  a Gota Clin, as figuriñas de pasta de sal  e uns fermosos pitiños de cores !!!💚💪


 


viernes, 27 de marzo de 2020

Novo portal educativo do Ministerio


Inicio - Ministerio de Educación y Formación Profesional

Este novo portal ten como obxectivo canalizar recursos , ferramentas e aplicacións educativas de calidade á disposición do profesorado , das familias e do propio alumnado . Atoparás enlaces a materiais elaborados e postos en marcha polas comunidades autónomas , entidades privadas e outros axentes aos que agradecemos a súa cooperación.

                                                     https://aprendoencasa.educacion.es/

miércoles, 25 de marzo de 2020

Os máis peques día a día #euquedonacasa

A mamá de Jimena da clase de 3 anos , envíanos esta fermosa foto na que a pequena Jimena  espera con impaciencia  as súas tarefas diarias ...moitas grazas ...coidádevos moito familia....👏💛💜💪


Nace un novo Portal Educativo

Aulas galegas é un portal educativo realizado por un colectivo de profesoras e profesores sen ánimo de lucro que cremos que ante a situación de illamento provocada polo coronavirus Covid-19 debemos ofrecerlle unha axuda educativa á sociedade.
Aulas galegas nace para axudar ao alumnado, ás familias e o resto de profesorado a atopar recursos e materiais educativos en galego.
A vocación deste portal educativo non é substituír as indicacións educativas que o profesorado lle faga ao seu alumnado no ensino regrado nin o papel das administracións educativas.
A nosa intención é ser unha fonte de recursos que sume no panorama educativo galego.
Para o alumnado e as súas familias publicaremos cada día material clasificado por nivel académico e materia para as etapas de Educación Infantil, Primaria, Secundaria e Bacharelato. Compartiremos contidos educativos de elaboración propia feitos especificamente para esta iniciativa e tamén outros que xa existen e que paga a pena divulgar.
Para o profesorado imos crear unha sección organizada por departamentos didácticos onde se poidan atopar páxinas doutro profesorado galego desas materias.
Estamos na casa pero non estamos parados.  A educación en galego continúa.
http://aulasgalegas.org/
Resultado de imagen de aulas galegas org

Deixarémosvos este e outros enlaces no apartado de Enlaces de Interese para que sexa máis doado atopalos . Grazas